Certe ĉiuj popoloj havis kaj havos sian rilaton al Dio. La origino kaj evoluo de mez- kaj sudamerikaj popoloj estas tre interesaj por mi. Mi estas certa ke ili havis siajn profetojn. Unu el la bazaj verkoj de mia religio, libro de Mormono rakontas ĝuste pri tio.
La filmeto estas tre bona.

Mi ne sciis ke vi estas mormono. Mi estas bahaano kaj ankaŭ kredas tion.

Dankon pro via interesiĝo Viktoronino! La Bahaa Kredo havas dek du ĉefajn principojn kaj unu el ili estas la elektado de internacia helpa lingvo kaj la Plej Sankta Libro (Kitáb-i-Aqdas) diras: « Ho membroj de la parlamentoj tra la mondo ! Elektu vi ununuran lingvon por la uzo fare de ĉiuj surtere kaj adoptu vi same skribon komunan. Dio, vere, igas evidenta al vi el kio vi profitos kaj ebligos al vi esti sendependaj de aliaj. Li, vere, estas la Plej Malavara, la Ĉion-Scia, la Ĉion-Konanta. Tio ĉi kaŭzos unuecon, se nur tion kapablus vi kompreni, kaj montriĝos la plej granda ilo por antauenigi harmonion kaj civilizacion, ho ke tion vi perceptu ! »
(Bahá'u'lláh, Kitáb-i-Aqdas, verso 189)

Abdu'l-Bahá filo kaj posteulo de Bahá'u'lláh diris:
"Kiel bela kaj mirinda estus interkompreniĝo per unu lingvo. Tiam la oriento kaj okcidento povus unuiĝi kaj ni estus kvazaŭ kiel unu nacio.
Tial ni ĉiuj propagandu Esperanton, por ke devenu granda amikeco inter la homoj. ... Ni devas labori kaj klopodi, ke tiu ĉi lingvo fariĝu parto de la instruado en ĉiuj publikaj lernejoj. Estas absoluta devo de ĉiu nuntempano, ke li akcelu la ellernadon de la ĝenerala helplingvo. Ĉar tiu lingvo estos la rimedo por altigi la signon de l' paco kaj de l' frateco inter ĉiuj ».
(el: 'Abdu'l-Bahá : « Sameco de la lingvoj kiel rimedo por la unuigo de la homaro » - parolado en kunveno de la esperantistoj en Stuttgart, Germanujo, la 5-an de Aprilo 1913)

Saluton Viktoronino kaj dankon pro via demando. Vi instigis min verki apartan artikoleton pri tiu temo!
amike Andy

Kiel vi komentus la diron :

Joh 14:6 Jesuo diris al li: Mi estas la vojo kaj la vero kaj la vivo; neniu venas al la Patro krom per mi.

?

Tio estas tute facila demando laŭ la bahaa kredo: En ĉiu epoko Dio sendas Mesaĝistojn kiuj revelacias la volon kaj spiritualajn instruojn de Dio. Tiu sankta, senmakula kaj senpeka Mesaĝisto estas la Spegulo per kiu oni povas rigardi Dion mem ("Kiu vidis Min jam vidis la Patron" - Jesuo Kristo-)En tiu tempo kiun vi citas estis Kristo la Mesaĝisto, la Filo de Dio, do, per Li nur oni povis konatiĝi kun la instruoj kaj volo de Dio en tiu epoko. Sed la Revelacio de Dio renoviĝas ĉiuepoke per aperado de novaj instruoj sed la aperanta Profeto havas la saman spiriton (Sankta Spirito) kiu venas de Dio mem.
dankon pro via demando, sed vi ne kontentiĝis vi povas formuli pliajn demandojn kaj mi provos respondi.

Jesuo klare nomis aliajn "mesaghistojn" rabistoj kaj shtelistoj.

Do elektendas opinio pri Jesuo:

1. Li estis trompisto, prezentis sin filo de Dio vivanta, savonto, la sola vojo, pordo kaj vero, dume lia epoko preterpasis, Dio sendadis aliajn mesaghistojn, kies mesagho klare malkongruis kun tiu de Jesuo.

2. Li estis tiu, kion Li diris pri si. Do Liaj vortoj validas hodiau kaj malvalidigas chian alispecan postan mesaghon. Mahomed, Abdu'l-Bahá, Shabtaj Cvi kaj aliaj estis postevenitaj rabistoj kaj shtelistoj, lau Jesuo.

Ne eblas kunpacigi la 1. kaj 2. Endas elekti nur unu aserton kaj forstreki la alian. Jesuo prenis sur si tro da respondeco. Ne eblas konsideri Lin nur bona, utila mesaghisto, alportanta plian ereton da vero.

Dankon pro via reago Milokula Kato! Pardonon sed mi ne povas konsenti kun viaj asertoj. Unue Jesuo neniam nomis al Adamo, Abrahamo kaj Moseo kiel ŝtelistoj aŭ rabistoj, tute male. La mesaĝoj de la Profetoj varias laŭ la epoko, mondoparto kaj kulturo sed tiuj instruoj neniam malkongruas unu kun la alia. Se vi komparas multajn tekstojn de la diversaj revelaciitaj religioj (Judismo, Hinduismo, Zoroastrismo, Budhismo, Kristanismo, Islamo kaj Bahaa Kredo) vi rimarkos ke la instruoj estas tre similaj sed ili diverĝas laŭ la lingvo, epok-apero kaj regiono.

Tio kion ki vi diras ke la instruoj de Jesuo estas la solaj veraj estas la kaŭzantoj de disdividoj kaj nuntempa netoleremo de la religioj. Pardonon, sed oni devas profunde studi la sanktajn tekstojn de ĉiuj religioj por malkovri "belajn ĝemojn" kiujn Dio donacas al la tuta homaro, ne al certa eta popolo kaj nur unufoje en la vivo.
La Sinjoro Jesuo mem estis la alveno de la Mesio promesita al la judoj kaj ne nur al ili. Tiamaniere Li promesis la alvenon de pli Profeto kiu eksplikos kaj klarigos ĉion kion Li ne povus fari en tiu momento ĉar la disĉiploj ne komprenus.
Mi, kiel sekvanto de Bahá'u'lláh profunde kredas je Jesuo Kristo kaj je liaj instruoj kaj je lia ekzemplo por la tuta homaro. Ni kredas ke Bahá'u'lláh estas Kristo kiu revenis surteren laŭ la profetaĵoj de ĉiuj antaŭaj religioj, inkluzive de la kristanaj. Ĉiujare miloj da kristanoj kredas je Li (mi mem estis kristano de longaj jaroj) kiel la Jesuo kiu venis "En la Gloro de la Patro".
Indas senantaŭjuĝe esplori kaj ne konsideri Liajn instruojn kiel malveraj, tio estas antaŭjuĝo kaj fanatikismo (kion Bahá'u'lláh kondamnas).