Kelkajn jarojn mi kontraŭstaris al la ideo kaj multaj proponoj ekhavi konton ĉe Vizaĝlibro. Antaŭ kelkaj tagoj mi tamen cedis kaj plonĝis.

Mi retrovis multajn amikojn, iamajn kolegojn, kun kiuj pro diversaj kialoj perdis la kontakton. Mi pasigis preskaŭ tutan nokton klavbabilante samtempe kun kelkaj. La ĝojo de la reciproka retrovo kreskas. La interŝanĝo daŭras.

Samtempe mi konstatas ke "vivi" en pli ol unu retspaco eĉ se eblas, do estas malfacile. Verŝajne mi foriros de ĉi tie ĝardenumi aliloke. Mi ĝoje renkontiĝus kaj -os persone kun multaj el vi. Kontaktu min por priparoli eventualan renkontiĝon.