Kapitalismo nun maldungas laboristojn ĝis ili ne plu havas produkton kaj tiam plendas ke vendado ne funkcias - pro manko de produkto.

Estas ege bizara tempo nun, fakte interesa. Mi ĉiam esperis diskuti pri tio en SAT sed vi scias ke tio ne eblas. Nur komunistoj havas rajton diri ion :-(

SAT: "vi rajtas esti sat-ano eĉ se vi kredas alimaniere, tiel longe kiel vi akceptas mokojn, ridojn kaj maltoleremon"

Bedaŭrinde neniu ĝis nun pensis aŭ konstruis socion en kiu neniu estas la ĉefo :-)

Homoj ne volas tropensi. Ili volas iun kiu diras al ili kion fari. Tiel, ili ne devas pensi.

Kiam mi estis juna, mi ĉiun tagon dum paŭzo iris promenadi kun maljuna kolego. Li preskaŭ ĉiun tagon diris saman frazon al mi : "Schramme (li eraras pri mia nomo kiu estas simple Schram) estas viaj propraj pedikoj kiuj mordas pli forte." Kaj mi preskaŭ ĉiun tagon pensas pri li, ĉar la plej granda malamiko de la laborista batalo estas ĝuste la laboristo kaj la plej granda kontraŭanto de virina libereco estas ĝuste la virinoj. Kaj pro tio la mondo restas funkcii. Mi pensas ke; se ekzistus monda solidareco (kiu neniam eblas) la vivo ne plu havos sencon kaj estos enua.

TAMEN nepre necesas pli da honesteco en la mondo, urĝe kaj nepre.

Ekzistas landoj pri kie oni povus pensi ke homoj ŝategas esti regataj. Legu Tolstoy kaj komprenu ke tuta popolo suferegis de regado de sistemo kiu permesis neniun liberecon al la popolo. Revolucio solvis nur ke la vizaĝo de la diktatoro estas malsama, sed eble pli kruela en agadoj kaj forpreno de libereco? Ĉu ekzistas popoloj kiuj ŝategas esti subpremataj? Alia popolo liberigas sin de la “komunismo” kaj tuj ĵetas sin tiam sur tero por papoj kaj kardinaloj anstataŭ mem pensi kaj liberigi sin de tiu dogmemaj karnavaloj.

Kredu en iu dio; mi neniam kontraŭas tion, sed ne igu de kredo iun teatron kaj donu al mi liberecon ne kredi en iu dio.

Laŭ mi homoj bezonas iun formon de konkurenco. Estas ankaŭ pro tio ke “Komunismo” (aŭ tiel nomata) malsukcesas. Homoj, kaj mi pensas ke tio estas denaska eco volas esti unikaj eĉ en ne-unikeco. Ankaŭ la hipioj kaj poste la "punk" uloj kun stranga hararo kaj desegnoj kaj pingloj sur vizaĝo fajfis laŭdire pri modo kaj beleco, sed ili volis esti unikaj. En “komunistaj landoj” ĉiuj devis aspekti samaj; memoru la uniformojn en Ĉinio kaj la senkoloreco en aliaj komunistaj landoj. Oni klopodis forpreni de la homoj la unikecon kaj eblon entrepreni. Oni devigis homojn pensi kolektive. Kvazaŭ homoj estas brutaro kiu devas esti dresita laŭ la deziro de la dresisto.

Homoj volas esti unikaj kaj sen iom da konkurenco tio ne plu eblas. Monda solidareco povas iĝi la uniformo de enuo. Homoj perdus la emon esti entreprenemaj, ĉar ne ekzistus konkurenco.

Ĉu eblas havi mondan solidarecon kaj samtempe teni sendependan spiriton?

Niaj emocioj kaj sentoj dependas de malperfekteco. Perfekta mondo estus mortiga pro enuo.

Estas diferenco inter la dekomenca kapitalisma ideo kaj la kapitalismo de Thatcher/Reagan. Iliaj agadoj estis la katastrofo de la 20-a jarcento por la laboristoj.

Oni povas fari pri ĉio ion bonan kaj/aŭ malbonan. Dependas de la vortoj kiujn oni uzas kaj la fanatikismo de la persono kiu parolas.

Ofte homoj konfuzas konkuremon kun avideco.

Konkuremo povas facile gliti en avidan konduton.

Homoj tro ofte volas havi ĉion, ankaŭ tion kio apartenas al aliaj.

Konkuremo estas parto de la vivo kaj neniam povas iĝi celo de la vivo. Tio estas pri kio kapitalismo senreliĝis. Konkuremo devas esti iu sana parto de laboro kaj vivo. Kruda kapitalismo kiu metas laboristojn unu kontraŭ alian estas same kruela kiel la Stachanovismo kiu populariĝis en la USSR. Stachanov iĝis la normo, ankaŭ por la malfortuloj. Estis sistemo kiu krudigis poste la kapitalismon.

Kiam konkuremo iĝas deviga afero de la labordonantoj kaj estroj (?) ni tuj malligu nin de konkuremo. Konkuremo devas esti kiel sporto, montri kapablojn ne por detrui la ŝancojn kaj oportunojn de alia, sed por plibonigi proprajn konojn kaj spertojn.

Homo kiu ne sukcesas esti kontenta ankaŭ neniam povas esti konkurema, ĉar li ne volas plibonigi sin sed detrui aliajn.