Sed ili diru al mi , je Jovo: Kiu vivaĝo estas ne trista, ne enua, ne sengusta, ne pala, ne teda - sen aldono de l'volupto, t.e. la spicaĵoj de la stulteco (Erasmo de Roterdamo)


Estimata sinjoro directeur ĵak Le Puil, karaj subtenantoj de satiro(j).

Mi vere bedaŭras ke LKK ne aperas rete. Imagu pri la grandega honoro kiu estus donita al mi kiam iu maskita timulo, kiu uzis la nomon Rava Ŝoljak, atribuas al mi iun kvazaŭ satiran tekston.

Kutime aŭ eble nur laŭ la belgaj kutimoj, satiro estas atribuata al gravuloj, al imperiestroj kaj reĝoj aŭ potentatoj kiuj, dank' al la kuraĝo de fanatikuloj unu tendencaj akiris iun povon, kiun ili evidente misuzas. Oni ne verkas satiran tekston pri homo sen potenco aŭ povo, nu laŭ belga kutimo kiu certe ne estas sankta sed kiel vi jam povis legi en la, bedaŭrinde malsukcesa ekzerco, de sinjoro Rava (laŭ PIV-2005 • rav/i (tr) sentigi entuziasman admiron, kvazaŭ forprenante la animon el la korpo) Ŝoljak (ne PIV vorto) Belgoj ĝenerale forte subtenas la eklezion, do preskaŭ sanktas. (Notu ke Belgio preskaŭ havis papon, sed bedaŭrinde ni devas daŭrigi kun nur la eklezio kaj Vlaams Belang. Nia - nu ja nia - kardinalo neniam surhavis uniformon de Hitler jugend kaj ne estis sufiĉe ekstremdekstra por ludi signifan rolon en la gvidado de la eklezio).

Tuj post legado de la teksto de sinjoro Rava (laŭ PIV-2005 • rav/i (tr) sentigi entuziasman admiron, kvazaŭ forprenante la animon el la korpo) Ŝoljak (ne PIV vorto) mi telefonis al Pariza sidejo de la "laborista asocio" por peti/postuli mian imperiestran kronon. Montriĝas ke neniu atribuo tiel ekzistas, diable kaj damne. Mi evidente esploris kiom da potenco mi havas en la "laborista asocio" aŭ, kiel ne en Esperantujo. Respondo, neniun! Kia elreviĝo kaj tristeco, mi estas nur simpla ulo sen imperiestra titolo aŭ reĝa krono.
Kial do sinjoro Rava (laŭ PIV-2005 • rav/i (tr) sentigi entuziasman admiron, kvazaŭ forprenante la animon el la korpo) Ŝoljak (ne PIV vorto) verkis satiran tekston pri mia persono.
Ĉu eble li estas timanta kuniklo kiu neniam kuraĝis ataki aŭ pri moki la potencojn, demagogojn kaj potentatojn, kiu iam abundis en sia lando, kaj nun tute kaduka pro maljunaĝo, iom atakas homojn kiuj pensas kaj esperas ke ili kontribuas kun ilia laboro al asocio de laboristoj.
Aŭ ĉu sinjoro Rava (laŭ PIV-2005 • rav/i (tr) sentigi entuziasman admiron, kvazaŭ forprenante la animon el la korpo) Ŝoljak (ne PIV vorto) estas unu de tiuj mem deklaritaj intelektuloj kiuj nepre volas vendi sin mem kiel laboristo kaj eĉ ne scias kia maniere teni martelon en la manoj (mi tuj helpas, je la ligna parto sinjoro kaj kiam vi martelos atentu la alian manon. La fera parto povus dolori vian manon se vi ne tenas ĝin for de la loko kie vi frapos).

Via sonĝo sinjoro Rava (laŭ PIV-2005 • rav/i (tr) sentigi entuziasman admiron, kvazaŭ forprenante la animon el la korpo) Ŝoljak (ne PIV vorto) eble estas simple koŝmaro. Mi volas averti vin, ne trinku tro de germana vino. Kredu min kiel specialisto pri vino; mi forte rekomendas vin trinki vinon el la regiono Chinon. Ne tro varma iom ĉirkaŭ 14 - 15 gradoj C estas bona, pli varma malbonigas la vinon. Ne trinku vinon el la regiono Orange aŭ el la iama papa urbo sama regiono. La kultivado de vinberplantoj kio okazas tro proksima ĉe la aŭtostrado damaĝas ne nur la kvaliton de la vino, sed la homan korpon kaj ĉe tiuj kiuj posedas ĝin, la cerbojn. Ek de la konstruado de tiuj aŭtostradoj la vino el Francio ne plu estas laŭ kvalito kiel ĝi devas esti, precipe por malfortaj homoj kiel vi, kiu pro trinkado de glaseto de vino jam malbone sonĝas.
Chinon ankaŭ, sed tion vi certe scias, regiono en Francio, estas sufiĉe for de aŭtostradoj. Se vi iun tagon enuigos nepre vizitu la regionon anstataŭ verki novan "satiron". Pardonu ke mi sentas devigon meti satiron inter tiuj krampetoj, sed kredu min, vi eĉ ne proksimiĝas al tio, kion oni kutime (en Belgio) nomas satiron. Vi komprenu ke ne mi kulpas pri tio ĉu, sed nur via malkapablo esti sprita kaj bon-humora. Tamen daŭrigu ekzercadon, kvankam vi estas oldulo vi eble antaŭ via morto sukcesos verki ion "preskaŭ satiro" kaj se ne, el respekto por la mortinto oni iu ajn laŭdos kaj aplaŭdos vin.

Pri la frazo kiun vi metis en mian buŝon - "ne gravas la akuzativojn" vi absolute pravas. Multe pli gravas la homoj de bona volo, inteligentaj homoj, kiuj klopodos kompreni aliajn homojn, aŭ kiuj uzas Esperanton (laŭ kelkaj revuloj, universala lingvo) por paroli kaj kompreni aliajn homojn.

Leginte vian tekston, mi evidente povas meti vizaĝon al vi, sed sciante ke mi havas saman procenton ke mi eraras ol pravas, mi ne faris tion. Montriĝas ke vi ne konas min, sed eble kelkaj fanatikuloj kiuj loĝas en mia regiono flustris malverojn en via oreloj kaj ĉu vi ne volonte malfermas viajn orelojn al malbonaj konsilantoj? Estu singarda kun fanatikuloj ili damaĝas multon kaj pli ili spertas pri influi homojn trokredemajn kiel vi. Estu singarda kun homoj kiuj pensas ke ili havas LA veron, ĉar ili estas fanatikuloj kiuj neniam kapablas havi verajn amikojn aŭ kiuj kapablas vivi en komuno aŭ asocio. Tiuj homoj povas krom plendi, protesti, damaĝi kaj malkonstrui, nenion. Ili estas homoj sen talentoj, kompatindaj ŝlemiloj kies nura plezuro estas paroli pri aliaj homoj kaj klopodi damaĝi alies homan vivon. Ili vivas kiel sorĉistoj ie en loko plene forlasita de "normalaj homoj" (ni interkonsentu poste aŭ iam pri kiu estas normala homo, ĉu) en plena ĉagreno, malkontenta, malbonhumora kaj iom kompatinda laŭ homoj kiuj vivas "normalan vivon"(ankaŭ pri tio ni interkonsentu iam, ĉu?)

Kio donis al mi kapdoloron estas la nomo de vi. Sinjoro Rava (laŭ PIV-2005 • rav/i (tr) sentigi entuziasman admiron, kvazaŭ forprenante la animon el la korpo) Ŝoljak (ne PIV vorto).
Mi pensas ke vi uzis pseŭdonimon kiel artistoj faras aŭ verkantoj. Kiam mi legis vian nomon mi pensis ke vi prenis kiel ekzemplon, la nomon de la grava franca aktivulo François Koeningstein, sed nu, ne mi ne povas imagi ke vi povas esti tiel kruda kaj maldeca fari tion, tiel malhonorigante homon kiu ne kovris al si la oreloj sed kun malferma viziero faris sian batalon ĝis la fino.

Nu fakte entute ne gravas. Vi faris vian ekzercon kaj uzis min kiel ekzerciĝon. Daŭrigu viajn klopodojn, eble, kvankam mi dubas, vi iam iĝas satiristo kiu kapablas montri veran talenton. Intertempe mi, permesu min, vidas vian tekston kiel infana ludo de homo kiu timas ke ni ridu kun li kiam li malvualigas sian nomon al la publiko.
Daŭrigu vian ravitecon pri vi mem, nepre sentu vin mem grava kaj utila, ne timi ekzerci denove uzante mian nomon. Mi estas nur kion oni diras en Francio, un petit Belge, primokadi ilin estas permesata. Mi jam nun povas diri ke vi ne vundas min per via "satiro" (malfacilas konsideri tion rubon satiron, pardonu min). Vi certe neniam devas diri: "Ich habe es nicht gewust" kiam vi post kelkaj jaroj komprenas ke vi estas malbona verkanto, certe malbonega satiristo