Mi trovis ĝin tute hazarde.

Estas lernolibro de Esperanto por la parolantoj de la azera lingvo.

eo.wikipedia.org/wiki/Azerbaj%C4%9Dana_lingvo.

La plej elstara strangaĵo estis ke ĝi estis verkita cirillitere kaj aperis en 2001. dek jarojn post la reenkonduko de la latina skribo kaj la leĝa devigo uzi nur ĝin.

Amuze estis legi aludon al la granda poeto Höte. Vi ja scias ke ĉe la rusoj ĉiu H iĝas G. Do memkompreneble –por la aŭtoro– ĉiu G devas esti H. Sed Goethe ne estis ruso, jen la problemo.

Kompreneblege estis aludita aĉa Armenujo kiu invadis la sesonon/trionon/duonon/du trionojn de la teroj de Azerbajĝano.

Azerbajĝan estas mirakla lando kie oni ĉiutage faras sciencajn malkovrojn kaj eltrovojn. Vikingoj devenas de tie. Homero, Sokrato kaj Aleksandro la Granda estis azeroj.

Mi kun multo da peno latinliterigis la lernolibron kaj baldaŭ povos dishavigi ĝin.