Loading
Eŭropa Tago de Lingvoj 2009
La 26a de septembro jam de 8 jaroj estas dediĉita al la lingvoj. En tiu tago mem (aŭ ĉirkaŭ tiu dato) okazas centoj da eventoj dise en Eŭropo (kaj mondo) por celebri la lingvan riĉecon de nia planedo kaj por atentigi pri la graveco de lingvolernado.
La eventoj estas diversaj: ludplenaj aktivaĵoj, ekspozicioj, modellecionoj, lingvaj enigmoj, konkursoj ktp. Ili okazas en lernejoj, institucioj, kadre de klubaj aŭ sociaj eventoj.
Edukado.net instigis la kolegojn kapti la okazon kaj aranĝi iun eventon koncerne Esperanton kadre de tiu internacia programaro.
Sur unu el la oficialaj hejmpaĝoj de la Konsilio de Eŭropo estas publikigita evento-kalendaro, kie eblas vidi la jam registritajn programojn. Troviĝas tie nur 8 Esperanto-eventoj inter la preskaŭ 500 listigitaj.
Krome inter la oficialaj dokumentoj de tiu EDL-paĝaro (European Day of Languages) vi povas trovi ankaŭ en Esperanto kelkajn tre utilajn
Ene de Esperantujo: http://www.edukado.net/pagina/TAGO+de+LINGVOJ/17369/
Kadre de la hejmpaĝo www.edukado.net ni daŭrigis la ludon: Instruu al ni vian lingvon.
La jama kolekto de interesaĵoj pri dudeko da lingvoj estas bona materialo por lerni kaj lernigi pri la lingva diverseco de la mondo. Ni tre bonvenigas pliajn kontribuojn en tiu sekcio, precipe ĉe la lingvoj, kie ankoraŭ nenio aperas. (Por enmeti mesaĝon, vi devas ensaluti la paĝaron, aŭ skribi al la redaktoro).
Jen kelkaj ĉi-jaraj aranĝoj pri kiuj nia paĝaro ricevis raportojn:
- Fremdlingva Biblioteko en Budapeŝto okazigas riĉa programon,
- En Danio dana Esperanto Asocio kaj la Pola Ambasadejo kune memoras pri la 50a datreveno de Zamenhof
- en Amsterdamo la "Fondaĵo Zamenhofstrato" okazigis memoraranĝojn pri Zamenhof.
El Cheboksary (Rusio) Elena Nadikova sendis fotoraporton pri la programo Karavano de Lingvoj .
En Gubin (Pollando) Krysztyna Worobej organizis kun siaj infanoj riĉan lingvan programon.
En Chiavari (Italio) kadre de la festo oni okazigis Jomo-koncerton kaj allogis multajn ne-esperantistojn al la sukcesa aranĝo.
0 comments