Naše molo misto; da kuo ne falije govorin obo Huncu (Gornji Humac; otok Brač) jemo dvi fijere. Veće se slavi ili se meni tako pari Svieti Mikula, ali je meni vega puta zadila zaoko Guospe Miraško. Zoč? Bare je na to lako odgovorit: njuon je posviećena crikva na gruobju. E a zoč se tako zove meni je pro četrdesietak godišć pričala moja pokuojno nona Perina. Evo ča je ona meni ispričala:

Na glavici kojo se danas zove guospina glavica i dinan se sad nalazi gruobje, baš na mistu di je sada kapela od crikvice riesla je jedna veliko veliko rašieka. Išli judi da ćedu je posić za drva i kad su je počeli sić nošli u rupi u hrebu kip Guospe sa diteton. Kako su posikli zelenicu vazeli su ti kip i odnili ga u misto u crikvu, današnju velu crikvu. Išli judi navečer doma i ujutro jemodu čo i vidit, nestala Guospa iz crikve. Ajde, dije, kud je, nošli su je na Glavici di je i bila, stoji na hrebu... Opet je oni vazeli i odnili u crikvu, a guospa se kroznoć opet soma vrotila na Glavicu. Kad se vrotila i treći put vidili naši stori da je ni koristi nosit simo tamo nego su jon onda ugrodili crikvicu na glavici a guospu prozvoli: Guospa Miraško. Kako su kip nošli na don Guospe Miraške tako je to postala drugo fijera u Humac.

Koliko je ovo priča istinita jo nebi sudi, a i kojo bi korist bila ol tega; vako je lipje za čut :)

...................................................................................................................................................

En nia eta vilagxo oni festas du festotagoj, unu el ili estas Mirakla sankta Patrino. Pri tiu festo mi de mia avino Perina audis interesan rakonton:

Sur la monteto super nia vilagxo kie nun estas tombejo kun pregxejeto kreskis granda arbo. Oni decidis forhaki gxin por brullignojn. En la trunka truo oni trovis statuon de Sankta Patrino kun infano. Oni forportis gxin en vilagxa pregxejo sed trifoje lau vice statuo nokte revenis sur loko kie estis trovita. Finfine vilagxanoj tie konstruis pregxejeton kaj nun oni havas duan festotagon kaj protektanton eklezia de Humaco.

Pri reala bazo de cxi rakonto mi ne volas jugxi sed fabeleto estas bela por audi :)