Dankon, Lantiani, mi ĝojas pri via agnosko de mia E-laboro:).


Sed sciu ankaŭ tion: mi ne estas cezaro, sed la malo de tio, do nur Cezar, kaj tio laŭ mia propra nomo. Kaiser = imperiestro.

Cezar, Kejzar, Kaiser (prononcu: Kajzer) El Cezar estiĝis ankaŭ la rusa Caro. Kiam mi donis la pseŭdonomon al mi, mi pensis, kial lasi la tutan gloron al la cezaroj, ankaŭ la malcezaroj nomu sin tiel por montri, ke ankaŭ ili povas porti tian simbolfortan nomon, mia vera idolo "Cezar" (Caesar) estis anarkiema rokmuzikisto ĉe la rokgrupo Renft, laŭ tiu mi nomiĝis unuavice, mi pensis, se tiu tiel nomiĝas, kial do ne mi, mi ja estas vera Cezar, almenaŭ laŭ la nomo, dume li havis la nomon Gläser (Vitroj).

Konsentite, mia nomo estas ankaŭ provoko, sed des pli mi ekscias pri Cezaro ju pli mi scias, ke tiu vere estis viro laŭ mia gusto, certe ankaŭ parte brutala viro laŭ sia tempo. Kiu ne estas infano de sia tempo? Sed aĉulo kiel Hitler li tute ne estis, tio estas certa. Napoleono admiris lin ne pro nenio, sed tial ĉar li estis unu el plej kapablaj romiaj imperiestroj, kiuj kiam ajn ekzistis. Jen homo kun multaj talentoj. Kleopatra amis lin. Sed li estis ankaŭ granda verkisto, kies verkojn oni ankoraŭ nun uzas en latinhoroj kaj en verkoj pri militaj strategioj.