Mi jam vidis pli ol 50 fojojn!

Laŭ mia scio, la afero estis proksimume jene: en la komenco de sia muzika kariero, la germana repa muzikbando Freundeskreis havis la ideon krei muzikalbumon, kiu iel rilatu al lingvoj. Por inspiro ili vizitis lingvofoiron en Stuttgart.
Tie deĵoris en informbudo de Germana Esperanto-Asocio la benina Esperantisto Jean Codjo, kiu tiutempe studis en Germanujo. Li entuziasmigis la muzikistojn tiel, ke ili invitis lin al la studio kaj registris kanton kun titolo 'Esperanto', kiu iĝis ankaŭ titolo de la albumo. La Esperanto-voĉo en la kanto estas tiu de Jean. La resto de la kanto estas en la germana kaj aliaj lingvoj.
Tiu ĉi albumo iĝis la plej granda sukceso de la grupo, kaj dum kelkaj jaroj ili estis inter la plej sukcesaj muzikistoj de la lando. Sed ili neniam lernis Esperanton kaj neniam plu okupiĝis pri la lingvo.
Tamen en tiu tempo ekestis malgranda pajlofajro de interesiĝantoj pri Esperanto pro la apero de tiu albumo.
Kiam malfermiĝis en nia urbo kafejo 'Esperanto', ni eksciis ke ĝi ricevis sian nomon pro la muzikalbumo.

Lars, koran dankon por tiu informo.
Mi simple miris, ke mi neniam aŭdis pri tio kaj nun eĉ pli ĝojas scii la historion. Redankon!

Mia plezuro!
Iam mi demandis min, ĉu Jean ricevis iun honorarion aŭ procentaĵon pro sia kontribuo al tiu disko. Ĝi ja furoris kaj enspezigis monon amase.

Mi serĉis lin en Ipernity por demandi, sed li ne membras ĉi tie. Mi eble trovos alian kanalon demandi lin.