Por doni al vi eblon kompari kun la originala de 4'33" de John Cage, jen la muziko kiel ĝi sonas
www.youtube.com/watch?v=JTEFKFiXSx4

Mi provis legi atente, sed mi vidis nenion...? :-))

Pardonu, nun mi komprenis, vi estis tre fidela al originalo... , sed por legi la vian , mi utiligis malpli ol 4,33 minutoj, do vi estis tre konciza :-))

Dankon Helena pri via averto. Efektive eblas legi ĝin en malpli ol 4,33 minutoj, sed kredu min ke verkado bezonis havi sian tempon :-)
Estas la unuan fojon en mia vivo ke iu diras ke mi sukcesas koncize verki.

Sinjoro John Cage nenion muzikis,Vi nenion skribis.Tio estis Via ŝerco,ĉu ne?

Fakte ne. John Cage verkis la partituron 4'33" kun intenco instrui al la homoj ke eĉ silento estas formo de muziko. Blanka papero estas sama afero. Homoj rigardas al blanka papero, sed la pensoj ne haltas. Ĉiam homoj okupiĝas pri io.

Estas silento…
Apenaŭ perceptebla flustrado
de folioj kaj vento
Seka branĉo rompita
sub paŝoj en arbaro
Trankvila maro vespera
ĉe la stranda sablo
La rana koncerto
en apuda rojo
La sunturniĝado
je matena horo
Ĉi nepriskribebla
susuro de la tero
Kaj ĉiuj aliaj silentoj
sen koni originon…
Kiom da sonoj por aŭskulti
la koncerton de l‘ silento.

Ju pli ofte mi legas la poemon, des pli multe ĝi plaĉas al mi. Eble ni lernas paroli dum infanaĝo por fini la vivon kun scio ke silenti estas la plej granda arto de dialogo?

kaj per tiuj aldonoj la senvorta rakonto iĝas ĉiam pli kaj pli interesa, kio montras ke John Cage pravis, ĉu?